KUTOKA DAMU UKENI WAKATI WA TENDO LA NDOA

Tatizo hili kitaalamu linajulikana kama post coital bleeding. Tatizo hili linawakumba wanawake hasa ambao wana matatizo ya mvurugiko wa hormone hasa hasa hormone ya estrogen na pia wanawake waliofikia ukomo wa hedhi.

Hali hii inaweza kuambatana na maumivu na kwa wengine isiwe na maumivu kulingana na chanzo chake.

Ukubwa wa tatizo

Tafiti zinaonesha kwamba ni asilimia 9% ya wanawake ambao hawajafikia ukomo wa gedhi wanapata tatizo hili na asilimia 63% ya wanawake waliofikia ukomo wa hedhi wanakumbwa na hali hii.

VISABABISHI VYA TATIZO HILI

hali hii inaweza kutokana na sababu kama ukavu au uke kuwa mwembamba sana hivyo kupelekea kupata michubuko wakati wa tendo la ndoa.

Pia hali hii inaweza kuwa dalili ya tatizo la kiafya hivyo sio ya kubeza.

Yafuatayo ni magonjwa yanayoweza kusababisha kutoka damu wakati wa tendo la ndoa

1.MAGONJWA YA ZINAA

Magonjwa kama Kisonono na Chylamidia yanaambata na dalili kama maumivu ya kiuno ,muwasho ukeni,Kutokwa uchafu ukeni wenye harufu mbaya. Pia magonjwa haya hupelekea mishipa midogo ya damu iliyo sehemu ya juu karibia na kuta za uke kuvimba hvyo kupasuka wakati wa tendo la ndoa.

Magonjwa mengine kama kaswende,na pangusa yanasababisha vidonda sehemu za siri vinavyoweza kupelekea maumivu na kutokwa damu wakati wa tendo la ndoa.

VIMBE ZISIZOKUWA SARATANI

 Vimbe zisizokuwa saratani kwenye shingo ya kizazi na mji wa mimba znasababisha sana hali hii .VImbe hizi huisha zenyewe ili zilizo kubwa sana huhitaji kuondolewa kwa upasuaji.

CERVICAL ECTROPION

hii ni tatizo la shingo ya kizazi ambapo  mishipa ya damu ya shingo ya kizazi inakua kwa juu sana kwenye kuta za ndani za shingo ya kizazi hvyo inakuwa rahisi mishipa hii kupasuka na kuvuja damu wakati wa tendo la ndoa.

Hali hii inawakumba sana wanawake walio katika umri wa miaka 20 hadi 35 na wanawake wanaotumia dawa za uzazi wa mpango na wajawazito.

MAAMBUKIZI KWENYE UKE (VAGINITIS)

Maambukizi kwenye uke mfano fangasi za ukeni hupelekea kuta za uke kuwa laini sana na kuvimba. Hali hii inapelekea kuwa rahisi kupata michubuko na kuvuja damu wakati wa tendo la ndoa. Tatizo hili linaambatana na muwasho pia harufu mbaya ukeni.

SARATANI

Mojawapo ya dalili za saratani ya shingo ya kizazi ni halii hii ya kutoka damu ukeni wakati wa tendo la ndoa. Inaweza kuambatana na maumivu au isiwe na maumivu. Pia saratani ya kizazi inaweza kusababisha hali hii.

Kutokwa na damu ukeni wakati wa tendo la ndoa sio hali ya kawaida kwa wanawake ambao si bikra.  Sio kitu cha kuchukulia poa  kwani inaweza kuwa dalili ya tatizo katika mwili wako. Hivyo basi unapopatwa na hali hii usikae kimya onana na daktari ili kama kuna tatizo litibiwe mapema.